Տեխնիկական աջակցություն
Սոցիալական ձեռներեցի կենտրոն
Եվրասիա համագործակցություն հիմնադրամի ՀԿ Դեպո-Հասարակական կազմակերպությունների զարգացման ծրագրի <<ՔՀԿ-ների կայունության ռազմավարություն>> դրամաշնորհի շրջանակներում ստեղծված <<Սոցիալական Ձեռներեցի Կենտրոն>>-ի նպատակն է տեխնիկական աջակցություն տրամադրել Արմավիր, Գեղարքունիք և Լոռի մարզերում նախապես ընտրված սոցիլական ձեռներեցության ոլորտում գործող կամ սոցիալական ձեռնարկատիրություն ստեղծելու նախաձեռնություն ունեցող 3-ական Հասարակական կազմակերպություններին (ընդամենը 9 ՀԿ), որոնց թիվը ծրագրի ավարտին հասնելու է առնվազն 15-ի:
Վերոնշյալ ՀԿ-ներին ՍՁԿ-ն մատուցում է մեթոդաբանական, իրավական և տեղեկատվական թեմաներով ուսուցումներ/դասընթացներ, բիզնեսի վարման գործիքների և ֆինանսական կառավարման մասով խորհրդատվություն, առաջարկում է փոխհամագործակցության և փորձի/տեղեկատվության փոխանակման հարթակ և այլն:
ՍՁԿ-ի կողմից տրամադրվող խորհրդատվական և ուսուցողական ծառայությունները ներառում են հետևյալ հիմնական թեմաները և ուղղությունները.
- սոցիալական ձեռնարկությունների մոդելներ, տեսակներ, ռիսկեր,
- ՀԿ-ների կողմից սոցիալական ձեռներեցության ընտրված կոնկրետ տեսակների և ուղղությունների զարգացման միջավայրերի համեմատական վերլուծություններ,
- ՀԿ-ների կողմից ՍՁ նախաձեռնելու պատրաստվածության և ռիսկերի գնահատում,
- ՀԿ-ների կողմից սոցիալական նպատակների սահմանում, եկամտի բաշխման մեխանիզմներ,
- Բիզնեսի շուկայավարություն, հաճախորդների նպատակային խմբերի սահմանում, մրցակցություն, արտադրանքի ներկայացում, գովազդ,
- Սոցիալական ձեռներեցության ցանցային գործընկերություն և համագործակցություն,
- բիզնես պլանավորում, մարդկային ռեսուրսներ, կազմակերպչական կարողություններ, բիզնեսի և ֆինանսների կառավարում, ՍՁ հաշվապահություն, լիզինգ, վարկեր և փոխառություններ, ֆինանսական/հարկային հաշվետվություններ,
- Սոցիալական ձեռներեցության իրականացման օրենսդրական կարգավորում:
Ծառայությունների մատուցումն իրականացվում է տարբեր մեթոդաբանությամբ՝ անմիջական շփումների, լսարանային քննարկումների և ուսուցումների, գործարարության կոնկրետ վայրերում ուսումնասիրությունների, ինչպես նաև ՔԶՀՀ-ի ՍՁ ինտերնետային ֆորումի, էլեկտրոնային և հեռախոսակապի միջոցով:
<<Ինչպես իրականացնել սոցիալական ձեռնարկատիրություն>> մեթոդական ուղեցույց, 2019թ.
Լրացուցիչ գրականություն, որի հղումները տրված են մեթոդական ուղեցույցում:
Այն ամենն, ինչ անհրաժեշտ է իմանալ ՔՀԿ ձեռնարկատիրական գործունեության մասին
Արդյո՞ք ես ձեռներեց եմ, գնահատում
ՍՁ իրականացելու համար կազմակերպության պատրաստվածությունը
Ձեռնարկատիրական խնդիրների պատճառահետևանքային կապ
Նորարարություն և նախաձեռնություն բիզնես գաղափարներում
Բիզնես իրագործելիություն, վարժություն
ՍՁ օրինակ`Բոհեմ արվեստանոց-թեյարան
Ապրանքների և ծառայությունների ինքնարժեքի հաշվարկ
ՍՁ աջակցող կազմակերպություններ
Ձեռնարկատիրական գործունեության գրանցում
Ձեռնարկատիրական հաղորդակցություն