Տրամաբանական կառուցվածքը որպես ծրագրի պլանավորման և իրականացման արդյունավետ գործիք
Ընդհանուր նկարագիր
Տվյալ դասընթացը հասցեագրված է այն կազմակերպություններին և անհատներին, որոնք ցանկանում են բարելավել եւ զարգացնել ծրագրի տրամաբանական կառուցվածքի (ՏԿ) մշակման իրենց հմտությունները:
Դասընթացի արդյունքում մասնակիցները
- կբացահայտեն տրամաբանական կառուցվածքի` որպես պլանավորման, իրականացման և մոնիտորինգի գործիքի կիրառման հնարավորությունները,
- կկարողանան ճիշտ ձևակերպել նպատակը, արդյունքները և միջոցները տրամաբանական կառուցվածքում,
- ձեռք կբերեն ցուցանիշների և թիրախների սահմանման հմտություններ,
- կտարբերակեն ստուգման մեթոդների տեսակները և սահմանման մոտեցումներ:
Դասընթացի թեմաները և մեթոդները
Դասընթացը անդրադառնում է հետևյալ թեմաներին.
- ՏԿ մոտեցումը, դերը և տեղը ծրագրում
- ՏԿ մշակման հիմնական փուլերը
- Հիմնախնդիրների ծառի մշակում
- Շահագրգիռ կողմերի վերլուծություն
- Նպատակների ծառի մշակում
- Միջամտման ռազմավարության
- Նպատակ, արդյունքներ և միջոցներ, պատճառահետևանքային կապերը
- Արտաքին գործոնների վերլուծություն, ենթադրություններ
- Ցուցանիշներ և ստուգման մեթոդներ
- ՏԿ օգտագործումը ծրագրի իրականացման ու մոնիտորինգի գործընթացում
- Աշխատանքային պլան կամ գանտի աղյուսակ
Դասընթացի ընթացքում մասնակիցներին տրվում են տպագիր նյութեր դասընթացի թեմաների համառոտ բովանդակությամբ և քննարկվող նյութերի կոնկրետ օրինակներ: Դասընթացի մեթոդները ներառում են սլայդերի ներկայացում, քննարկումներ, հարցուպատասխան, գործնական առաջադրանքների կատարում:
Դասընթացի տևողությունը
Դասընթացի տևողությունն է 10 ժամ:
Այս կայքը ստեղծվել է Ամերիկայի ժողովրդի աջակցությամբ՝ ԱՄՆ ՄԶԳ աջակցությամբ, "ՀԿ Դեպո – Հասարակական կազմակերպությունների զարգացման ծրագրի շրջանակում": Կայքում առկա նյութերի բովանդակությունը կամ արտահայտած տեսակետները միմիայն ՔԶՀՀ-ի և Եվրասիա համագործակցություն հիմնադրամինն են և պարտադիր չէ, որ արտահայտեն ԱՄՆ ՄԶԳ կամ ԱՄՆ կառավարության տեսակետները: