Announcements

12-20-2020

ՔՀԿ ոլորտի գնահատման առցանց հարցում

ՔՀԿ ոլորտի հարգելի ներկայացուցիչներ և փորձագետներ, ՔԶՀՀ-ն ձեր ուշադրությանն է ներկայացնում ՔՀԿ ոլորտի գնահատման առցանց հարցում։
 
Ինչպես գիտեք, ԱՄՆ Միջազգային Զարգացման Գործակալությունն ամեն տարի նախաձեռնում է Եվրոպայի և Եվրասիայի 24 երկրների՝ ներառյալ Հայաստանի քաղաքացիական հասարակության կազմակերպությունների (ՔՀԿ) կայունության ինդեքսի (ԿԻ) զեկույցի մշակումը, որում արտացոլվում են ոլորտի հիմնական զարգացումները, միտումները, հաջողությունները և մարտահրավերները վերջին տարվա ընթացքում։ Հայաստանում ՔՀԿ ԿԻ զեկույցն իրականացվում է Քաղաքացիական զարգացման և համագործակցության հիմնադրամի (CDPF) կողմից։
 
Այս տարի ընդլայնվել է զեկույցի կազմման մեթոդաբանությունը և ավանդական փորձագիտական գնահատմանն ավելացել է ևս մեկ բաղադրիչ՝ ՔՀԿ ոլորտի ներկայացուցիչների և փորձագետների կողմից ոլորտի առցանց գնահատումը։ Այս մեթոդը հնարավորություն կտա մեզ առավել ընդլանված և համապարփակ պատկերացում ունենալ 2020 թվականի ընթացքում ՔՀԿ ոլորտում տեղի ունեցած փոփոխությունների, զարգացումների և հիմնական միտումների մասին՝ ստանալով որոշակի ներկայացուցչական տվյալներ առավել մեծ թվով ՔՀԿ-ներից։ Եվ քանի որ 2020 թվականը կարող ենք համարել բոլոր առումներով բարդ և “վերլուծությանը դժվար ենթարկվող” տարի, Ձեր մասնակցությունը և Ձեր կողմից տրված պատասխանները մեզ համար ստանում են էական նշանակություն՝ առավել ճշգրիտ արտացոլելու ստեղծված իրավիճակը Կայունության ինդեքսի զեկույցում։
 
Գնահատումը կտևի 10-ից 15 րոպե։ Կարող ենք բաց թողնել ՔՀԿ կայունությանը վերաբերող այն հարցերը, որոնք համարում եք, որ դուրս են Ձեր փորձագիտական գիտելիքների դաշտից։ Դա
հնարավորություն կտա նաև խնայել Ձեր ժամանակը։
 
Շնորհակալություն գնահատմանը մասնակցելու Ձեր պատրաստակամության համար։
back to all news

comments